21 декабря.

Седмица 28-я по Пятидесятнице.

Память преподобного Патапия Фивского.

Тропарь, глас 8:

В тебе́, о́тче, изве́стно спасе́ся е́же по обра́зу:/ прии́м бо крест, после́довал еси́ Христу́/ и, дея́, учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бне Пата́пие, дух твой.

Кондак, глас 3:

Храм твой, свя́те, духо́вное врачевство́ лю́дие обре́тше,/ со тща́нием к нему́ приходя́ще,/ цельбу́ неду́гов про́сят прия́ти,/ реше́ние же в житии́ прегреше́нных:/ ты бо всех су́щих в ну́ждах предста́тель яви́лся еси́,/ Пата́пие преподо́бне.

Величание:

Ублажа́ем тя,/ преподо́бне о́тче Пата́пие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.